Ljósið
lifir

Ég sæki hugmyndir í lífið í kringum mig — fólkið, fréttirnar, íslenskan hversdag og þessar litlu stundir sem sitja eftir.

Stundum verður til glettinn texti, stundum ádeila og stundum persónulegt lag um ást, fjölskyldu eða það að halda áfram. Mig langar að segja eitthvað sem snertir við fólki, hvort sem það kallar fram bros, minningu eða nýja hugsun.

Ég nota Suno við að móta tónlistina utan um textana. Hugmynd, orðaval, hrynjandi og skýrar leiðbeiningar um stemningu og hljóðheim ráða miklu um útkomuna. Ég prófa mig áfram, ber saman útgáfur og vel það sem þjónar laginu best.

Gervigreindin opnar nýjar leiðir til að láta hugmyndir hljóma. Forvitnin, sjónarhornið og vinnan við að finna réttu orðin eru kjarninn í minni sköpun.

Allir textar eru eftir Pétur R. Pétursson